Tirana e ndarë, Asambleja në pikëpyetje
18/03/2009 09:25
Ancelotti: Italia do të jetë në Botëror, ëndërroj që të përballem me “Axurrët” në finale me Brazilin 14/11 17:33
Vetëm 24 orë pas vendimit për të thirrur Asamblenë brenda 15 ditëve të ardhshme, gjithçka është venë në pikëpyetje. Tashmë është e njohur që ekzistojnë dy palë, “pro” dhe “kundër”.
Këta të fundit, të cilët nuk dëshirojnë të flasin publikisht, pretendojnë se vendimi i mbledhjes së të hënës është i pavlefshëm, pasi asnjë nga ata që kanë hedhur 37 firmat nuk e ka tagrin për të mbledhur Asamblenë. Po ashtu theksojnë se në zyrat e klubit nuk ka mbërritur asnjë dokument që vërteton vendimin.
Një tjetër arsye e fortë e grupimit “kundër” është edhe fakti i ekzistencës së ligjit të kthimit të klubeve sportive në “Shoqëri aksionere”, i cili, sipas tyre, e bën të panevojshëm zhvillimin e Asamblesë, pasi klubi duhet të shkojë drejt privatizimit. Sipas këtyre burimeve brenda klubit, tentativa për thirrjen brenda 15 ditëve është e destinuar të dështojë.
Megjithatë, në ditët e ardhshme përplasjet mes palëve të përfshira në këtë polemikë priten të jenë edhe më të ashpra.
Top Channel
