Pasi prokuroria mbylli hetimet per tragjedine e Gerdecit, Partia Demokratike i ka kerkuar organit te akuzes te rihape hetimet per nje tjeter tragjedi, ate te 9 janarit 2004, ku humben jeten ne det 28 persona.
Duke kujtuar disa nga rrethanat e tragjedise se 9 janarit, ne emer te deputeteve demokrate te Shkodres, Partia Demokratike e cilesoi kete tragjedi nje “krim shteteror”.
“Ata i kerkuan ndihme qeverise se tyre per disa ore rresht dhe ate e kemi degjuar te gjithe fale medias elektronike, por klithmat e tyre rane ne vesh te shurdhet. A nuk eshte ky nje krim shteteror i kryer me mosveprim? U denuan disa sherbetore fatkeqe per trafik klandestinesh, ndersa shperdoruesit klasike te detyres vazhduan dhe po vazhdojne te qete karrieren politike. Dhe kjo fale faktit se sistemi i drejtesise ne pergjithesi dhe prokuroria ne vecanti ka qene dhe mbetet nje sistem i kalbur dhe i korruptuar”, ka deklaruar deputetja Arenca Trashani.
Por pavaresisht ketij vleresimi, per organin e akuzes, deputetet demokrate te Shkodres kerkojne rihapjen e hetimeve, ku sipas tyre duhet te merren ne konsiderate prova, qe sipas te demtuarve nuk jane perfshire ne dosjen penale per te mos nxjerre pergjegjesit reale te tragjedise se 9 janarit.
“Prokuroria te rinise menjehere hetimet per shperdorim detyre me pasoja te renda ndaj pushtetareve te kohes. Qe te gjithe kemi nevoje dhe te drejte te dime te verteten dhe permasat e tragjedise se 9 janarit, qe per ne mbetet krim shteteror i pandeshkuar”, ka shtuar Trashani.
Top Channel
