Ministria e Arsimit dhe Shkences, ben te ditur se formulari A2 do te miratohet deri me 1 prill.
Ky formular permban te dhenat e nxenesve qe kane marre provimet e detyruara, me noten mesatare dhe perzgjedhjen e degeve te shkollave te larta ku deshiron te studiojne. Kandidatet qe deshirojne te vazhdojne studimet ne shkollat e larta duhet te plotesojne edhe Formularin A2, brenda dates 30 qershor.
Sipas rregullores se provimeve citohet se kane te drejte te kandidojne per te vazhduar studimet ne universitetet publike te vendit vetem nxenesit qe vleresohen kalues ne te kater provimet e Matures Shteterore.
Nxenesi, qe eshte mbetes qofte edhe ne nje nga provimet e detyruara te sezonit te pare, nuk ka te drejte te futet ne provimet me zgjedhje. Ky kandidat duhet te rijape provimin ne lendet e detyruara ne sezonin e vjeshtes, por humbet te drejten e konkurrimit per ne shkolle te larte gjate ketij viti.
Nga ana tjeter, afati per plotesimin e formularit A1 dhe atij A1Z eshte shtyre dhe te gjithe maturantet kane te drejte qe ta dorezojne ate brenda dates 25 mars. Kjo eshte koha kur skadon afati i dorezimit te ketyre formulareve nga komisionet shkollore ne Drejtorite Arsimore Rajonale e prej ketej ne Agjencine e Vleresimit te Arritjeve (AVA).
Top Channel
