Ambasadori amerikan ne Tirane, John Withers ka zhvilluar sot nje takim me presidentin Bamir Topi, te cilit i ka bere te qarte se liria e zgjedhjeve te ardhshme eshte thelbesore per proceset integruese te vendit.
“Zgjedhjet e lira jane nje hap i domosdoshem per anetaresimin ne NATO”, ka deklaruar Withers, i cili nga ana tjeter ka rikonfirmuar mbeshtetjen e SHBA ne kete proces.
“SHBA do te vazhdojne me mbeshtetjen e tyre dhe administrata Obama do t’i kushtoje vemendje hapave te Shqiperise drejt demokracise”, ka pohuar nder te tjera Withers.
Ndersa Topi nga ana e tij ka shprehur mirenjohjen e Shqiperise per mbeshtetjen e Amerikes, si dhe gatishmerine per thellimin e marredhenieve mes dy vendeve.
“Shqiperia i eshte mirenjohese SHBA per mbeshtetjen. Ajo do te vazhdoje te jete aleat i Amerikes. Dy vendet do te thellojne me tej marredheniet mes tyre”, ka pohuar Topi.
Nder te tjera presidenti dhe diplomati amerikan kane diskutuar edhe per ligjin e dosjeve dhe zhvillimet e fundit politike ne Shqiperi.
Top Channel