LSI: Zgjedhjet e ardhshme ne rrezik

20/01/2009 20:40

Levizja Socialiste per Integrim ka dhene alarmin per menyren sesi qeveria po menaxhon procesin e pajisjes se shtetasve shqiptare me karta identiteti.

Sekretari i pergjithshem Petrit Vasili ofroi nje plan veprimi prej disa pikash, ne thelb te te cilave qendron rritja e garancive qe shperndarja e kartave te identitetit te perfundoje ne kohe per zgjedhjet e qershorit.

“Per kete proces LSI propozon planin e meposhtem, qeveria te miratoje menjehere nje plan te detajuar shperndarjeje, qe infrastruktura te funksionoje 24 ore ne 24, te informoje cdo jave per numrin e te pajisurve me karte ne nivel vendi dhe ne cdo njesi qeverisjeje vendore”, ka propozuar Vasili.

Ne emer te Levizjes Socialiste per Integrim, Petrit Vasili i kerkoi qeverise te pajise falas me karta identiteti disa kategori qytetaresh.

“Riperserisim me force dhe njehere dhe kerkojme reflektim serioz nga qeveria, per pajisjen gratis me karta identiteti per pensionistet, studentet, te papunet, personat me aftesi te kufizuara dhe personat me te ardhura te uleta”, ka deklaruar Vasili.

Zoti Vasili paralajmeroi se nese ky proces nuk perfundon ne kohen e duhur, atehere rrezikohet seriozisht standarti dhe rezultati i zgjedhjeve.

Top Channel