Rriten temperaturat, lehtësohet qarkullimi
13/01/2017 00:00
Kapet me 3 pistoleta brenda banesës, arresohet në Greqi i riu nga Mallakastra (EMRI+FOTO) 10/05 13:08
Rritja e temperaturave ka lehtësuar qarkullimin në disa prej akseve problematike të ditëve të fundit në vend.
Sipas Ministrisë së Transportit, ka përmirësim në qarkullimin e akseve të Shkodrës, në Dibër e Kukës ku qarkullohet edhe pa zinxhirë.
Në Qafë Mollë – Bizë dhe Vilat Qeveritare – Antenat, qarkullohet ende me zinxhirë. Ministria bën thirrje për kujdes gjatë lëvizjeve në drejtim të Krrabës e Sarisalltikut.
Në Qarkun e Korçës qarkullohen me zinxhirë akset Boboshticë – Dardhë, Korçë – Voskopojë dhe Ersekë – Leskovik. Ndërsa në qarkun Gjirokatër kalohet me zinxhirë Përmet – Çarshovë.
Temperaturat në nivel vendi janë rritur me 7-8 gradë gjatë 24 orëve të fundit.
Top Channel
