Fier, kamioni përplaset me veturën; humb jetën një person
24/12/2016 00:00
Kandidatët për drejtues të prokurorive të Durrësit dhe Shkodrës, KLP nis procedurat për verifikimin e pasurisë së tyre 25/04 14:06
Një aksident rrugor me pasojë vdekjen është verifikuar pasditen e kësaj të shtune në aksin Fier-Levan.
Burime policore lokale bëjnë me dije se ngjarja ka ndodhur në orën 14:55 në vendin e quajtur Pylli i Levanit, kur një kamion tip “Scania” me targë “FR 3956 D” është përplasur me një veturë tip “Volkswagen”.
Sipas burimeve, nga përplasja e fortë ka humbur jetën një pasagjere e veturës, me targë “TR 9479 L”, ndërsa drejtuesi i saj ka mbetur i plagosur.
I lënduari është dërguar në spitalin rajonal të Fierit, ku po merr mjekimin e duhur, ndërsa drejtuesi i kamionit, shtetasi me inicialet A.Ç, është shoqëruar në komisariatin më të afërt.
Burimet shtojnë më tej se grupi i posaçëm i ngritur për këtë ngjarje po heton për zbardhjen e rrethanave të aksidentit.
Top Channel
