Vdekja misterioze në Shën Gjergj

Në një kohë që Prokuroria është në pritje të aktekspertizës që do të saktësojë nëse Besnik Pudja është vrarë apo vetëvrarë, një tjetër i dyshuar ka rënë në prangat e policisë për këtë ngjarje.

Halit  Dusha u arrestua nga komisariati numër 4 për të njëjtat akuza si dy të tjerët, ndërkohë që prokurori kërkoi arrest me burg derisa të vërtetohen dyshimet.

Prokuroria referoi në gjykatë rrëfimin e Liçit dhe Buzos të cilët kanë deklaruar se ishin punësuar nga i ndjeri për të ndërtuar një kapanon, ndërkohë që në mënyrë kontradiktore shtoi se në vendin ku u gjet viktima u sekuestruan si prova materiale edhe 3 rrënjë kanabis.

Dy të arrestuarit, të cilët janë vetëdorëzuar kanë dëshmuar se i ndjeri Besnik Pudja ka qenë duke luajtur me armën dhe se shpesh ai qëllonte në drejtim të vetes.

Por Prokuroria nuk është e bindur me këtë version dhe për këtë shkak ka regjistruar hetimet për dyshimet se Pudja mund të jetë vrarë.

Pas arrestimit të Halit Dushës, i arrestuari i tretë i kësaj dosjeje plot me engima, policia tha zyrtarisht se ai, së bashku me të ndjerin Pudja dhe disa persona të tjerë, dyshohet të jenë autorë të kultivimit të gati 3 mijë rrënjëve kanabis  në fshatin Urë Kollagjesh.

Por i ati i të ndjerit kërkoi gjatë një interviste për Top Channel që të zbardhet dosja, pasi sipas tij i biri ishte punëtor dhe jo kultivues.

Top Channel