Korçë, makina përplas këmbësorin; humb jetën 30-vjeçari
25/06/2016 00:00
Një aksident rrugor është verifikuar pasditen e kësaj të shtune në aksin Korçë-Pogradec, ku një makinë ka përplasur për vdekje një këmbësor.
Lajmin e bëjnë të ditur burime pranë policisë rrugore, sipas të cilave ngjarja ka ndodhur pranë fshatit Leshnicë të Korçës.
Sipas burimeve, viktima është identifikuar me inicialet A.V, i moshës 30-vjeçare.
Uniformat blu kanë mbërritur në vendngjarje dhe po punojnë për të hedhur dritë mbi sa ka ndodhur. Drejtuesi i mjetit, shtetasi Arben B. banues në Pogradec, ndodhet i shoqëruar në ambjentet e komisariatit më të afërt.
Automjeti i tij, tip “Mercedes-Benz”, me targë “PG 5807 B”, është sekuestruar.
Top Channel