Velipojë, aksidentohet duke shkuar për në shkollë 10-vjeçarja
26/04/2016 09:40
Kandidatët për drejtues të prokurorive të Durrësit dhe Shkodrës, KLP nis procedurat për verifikimin e pasurisë së tyre 25/04 14:06
Një vajzë vetëm 10 vjeç humbi jetën mëngjesin e së martës, duke shkuar në shkollë në Velipojë të Shkodrës. Vajza me çantën e librave është goditur nga një mjet, drejtuesin e të cilit policia e ndaloi menjëherë.
Me gjithë përpjekjet e prindërve për të shpëtuar 10-vjeçaren, ajo mbërriti e pajetë në spital. Çdo ditë në këto rrugë kalojnë nxënësit e klasave fillore. Mungesa e mbikalimeve, sinjalistikës, apo edhe e transportit të organizuar e mban të lartë rrezikun për ta.
Shkolla 9-vjeçare në fshatin Berdicë ndodhet në anë të rrugës nacionale. Edhe vet fëmijët e ndiejnë që në këtë rrugë janë të rrezikuar.
Për prindërit, mungesa e sigurisë rrugore mbetet shqetësimi kryesor, veçanërisht me afrimin e sezonit veror, kur fluksi i mjeteve në rrugë shtohet.
Që ngjarja e sotme me pasojë vdekjen e 10-vjeçares të mos përsëritet, duhet që pranë shkollave të ketë mbikalime dhe sinjalistikë të rregullt.
Top Channel
