Moto GP, Lorenzo fiton në Francë, Rossi i dyti
20/05/2012 00:00
VIDEO/ Përballjet në Europa League, Roma mposht Milanin me një lojtar më pak! Atalanta eleminon Liverpool-in 18/04 22:50
Shiu dhe i ftohti në pistën e Francës janë kushtet ideale për të parë edhe një herë tjetër Valentino Rossin duke luftuar për vendet e para të renditjes. Në Le Mans, ku Cmimi i Madh i Francës u fitua nga Jorge Lorenzo, piloti italian i Ducati fiton një vend të dytë të mrekullueshëm në pistën ku vitin e kaluar hipi për herë të fundit në podium (vendi i tretë).
Një duel i bukur me Casey Stoner (Honda) deri në xhiron e fundit i dha emocion garës dhe riktheu kampionin italian në vendet e para.
Në vend të katërt Dani Pedrosa (Honda), vendi i pestë për Bradl (Honda) dhe i gjashti për Hayden (Ducati). Yamahat e Dovizioso dhe Crutchlow përfunduan në vendin e shtatë dhe të tetë edhe pse u rrëzuan gjatë garës.
Barbera (Ducati) dhe Bautista (Honda) plotësojnë dhjetëshen e parë të pilotëve.
Jorge Lorenzo me këtë fitore kryeson renditjen e përgjithshme me 90 pikë.
Top Channel
