Serbi, Jovanoviç shpall kandidaturën

“Në këtë luftë do të sjell të vërtetën se Serbia nuk mund të vazhdojë ashtu siç ka ecur deri tani. Njerëzit e dinë këtë dhe do ta tregojnë në zgjedhje”, ka deklaruar Jovanoviç.

Politikani pro-perëndimor serb ka nënvizuar se gjatë fushatës së tij nuk do të përsërisë premtimet e bëra më parë, punësimin ekonominë dhe sigurinë, por do të ofrojë të vërtetën politike.

“Do të ofroj atë të vërtetë politike që duhet për të përmbushur nevojat e qytetarëve”, është shprehur Jovanoviç, i konsideruar si pasardhësi i Zoran Gjingjiç.

Përveç Jovanoviç dhe Boris Tadiç, i cili dha dorëheqjen nga posti i presidentit, për postin e kreut të shtetit në Serbi do të garojnë edhe ministri i Brendshëm, Ivica Daçiç dhe lideri i Partisë Progresiste, Tomisllav Nikoliç.

Ditën e djeshme Jovanoviç ishte në Preshevë, ku u mirëprit nga banorët, të cilët i ofruan të pijë dhe i thanë se kur e shohin në televizor i gëzohen fjalimeve të tij.

Jovanoviç ishte serbi i parë që vizitoi Luginën e Preshevës në mënyrë miqësore, duke u thënë shqiptarëve se Serbia duhet bërë shtet shprese nga shteti i fatkeqësisë.

Gjithashtu, ai tha se popullit i duhet thënë të vërtetën se Kosova tashmë është një shtet dhe se tani duhet punuar së bashku.

Top Channel