Durrës, vritet armë 40-vjecari
21/11/2011 17:10
Debate në KLP, Tiranës dhe Elbasanit i mungojnë 51 prokurorë
18/07 21:17
Një person është vrarë me armë zjarri në një lagje periferike të qytetit bregdetar të Durrësit.
Ngjarja ndodhi në afërsi të ish-Ndërmarrjes së Konservimit në Spitallë.
Viktima sipas burimeve zyrtare të policisë lokale është shtetasi Islam Puja, rreth 40 vjec, ndërsa është ndaluar autori i dyshuar i këtij krimi, shtetasi Andrea Berberi.
Grupi hetimor ka shkuar menjëherë në vendin e ngjarjes ku ka kryer veprimet e para proceduriale. Burimet policore nuk japin ende deklarime rreth motiveve të kësaj ngjarjeje.
Banorë të zonës që kanë qenë dhe dëshmitarë në krim dhe i kanë njohur të dy palët tregojnë për një vrasje të kryer për motive hakmarrjeje. Mes viktimës dhe autorit ka pasur një konflikt prej disa muajsh, ku dyshohet se viktima e ka keqtrajtuar fizikisht autorin.
Berberi ka qëlluar mbi Pujën, i njohur në zonë si elektricist dhe hidraulik, në rrugë duke e lënë të vdekur në trotuar.
Ndërkohe grupi hetimor vazhdon hetimet për të zbardhur plotësisht këtë vrasje të radhës në qytetin bregdetar.
Top Channel
