Serbët vendosin barrikadat

Sipas burimeve, ata po ashtu kanë bllokuar një xhip të KFOR-it duke shtyrë zhavorrin përreth automjetit nga të gjitha anët.
 
“Grupe ekstremiste serbe vazhdimisht me kamionë po sjellin zhavorr duke përforcuar kështu barrikadat e tyre të vendosura në këtë zonë”, kanë thënë burimet, duke shtuar se situata është e tensionuar, ndërkohë që po arrin përforcime të reja të ushtarëve të KFOR-it nga kampi ushtarak “Nothing Hill” që ndodhet në afërsi të pikës kufitare.

Kryetari paralel i komunës së Leposaviçit, Branko Niniç, më herët kishte deklaruar se në pikën kufitare Jarinjë po shtohen tensionet pasi KFOR-i me automjetet e tyre dhe telat gjemborë ka mbyllur rrugën alternative të hapur gjatë ditës së sotme nga serbët.

Sipas tij, veprimet e KFOR-it janë të pakuptueshme, për shkak se ata janë duke uzurpuar me makinerinë e tyre pronat private të banorëve.
 
“Jemi duke bërë përpjekje për të kontaktuar me përfaqësues të forcave ndërkombëtare, por askush nuk po na përgjigjet“, tha Niniç, duke shtuar se pret që gjatë ditës së nesërme të takohet me përfaqësuesit e KFOR-it.

Serbët, këtyre përforcimeve të ushtarëve të KFOR-it, i janë përgjigjur me fishkëllima.

Top Channel