Zvicër, zbardhet pasuria e diktatorëve
03/05/2011 12:45
Kryeministri gjeorgjian pezullon bisedimet e anëtarësimit në BE deri në fund të vitit 2028 28/11 22:56
Autoritetet zvicerane kanë zbardhur pasurinë e sekuestruar të liderëve të rrëzuar të vendeve të Magrebit.
Sipas autoriteteve, nën sekuestro kanë përfunduar asete me vlerë 1 miliard dollarë të lidhura me liderin e Libisë, Muamar Gaddafi dhe me liderët e rrëzuar të Egjiptit dhe Tunizisë.
Gjithashtu janë zbuluar 830 milionë franga zvicerane, ose 960 milionë dollarë, ku pjesën më të madhe prej 410 milionë franga e ka ish-presidenti egjiptian Hosni Mubarak dhe rrethi i tij.
360 milionë të tjera dyshohet se i përkasin kolonel Gaddafi-t, ndërsa 60 milionë ish-liderit tunizian Ben Ali dhe ortakëve të tij.
Lajmin për ngrirjen e pasurive e bëri të ditur më herët ministrja e Jashtme zvicerane, Micheline Calmy Rey, por vetëm tani janë publikuar të dhënat e sakta statistikore.
Top Channel
