Koronavirusi gjithnjë e më vdekjeprurës gjithashtu mund të transmetohet përmes syve, kanë paralajmëruar shkencëtarët.

Deri më tani, janë regjistruar më shumë se 1.400 pacientë, numri më i madh janë infektuar në Kinë – 1.362 prej tyre, ndërsa mbi 40 kanë vdekur.

Mjeku kinez Wang Guangfa ka frikë se ai mund të ketë marrë një infeksion të ngjashëm me SARS pasi nuk mban syze. Dr Guangfa kryeson departamentin e pulmonologjisë në Spitalin e Pekinit dhe ishte pjesë e një ekipi ekspertësh që vizituan Vuhan më herët këtë muaj, ku virusi u shfaq për herë të parë.

Ekspertët kryesorë kanë konfirmuar se një skenar i tillë është “absolutisht i mundur” – që virusi mund të hyjë në sytë tuaj nëse i prekni. Ata paralajmërojnë se koronavirusi, që mendohet të transmetohet nga teshtima dhe kolla, mund të endet nëpër trup dhe përfundimisht të arrijë në sy.

Paul Kelm, profesor i gjenetikës së viruseve në Kolegjin mbretëror në Londër, thotë se është “absolutisht e mundur”.

“Nëse pikat e teshtitjes ju mbërrijnë, do t’ju dalë në hundë. Syri lidhet me hundën tuaj përmes zgavrës me gojë. Nëse vuani nga alergjitë dhe nëse sytë tuaj lotojnë, hunda juaj do të rrjedhë. Ose nëse vendosni ilaç në sy, do të keni një shije në pjesën e pasme të fytit tuaj”, tha profesori Kelm, duke shtuar se nuk është e rrallë që gripi dhe viruset e tjera të transmetohen në këtë mënyrë dhe se infeksionet e frymëmarrjes mund të transmetohen përmes syve.

Profesori Kelm tha që kjo është arsyeja pse profesionistët e kujdesit shëndetësor duhet të veshin mbrojtje ndaj syve. Megjithëse maska për fytyrën që mbrojnë gojën dhe hundën janë efektive, ato padyshim “nuk do t’i mbrojnë sytë”, transmeton KosovaPress.

Michael Hed, bashkëpunëtor i Lartë në Shëndetin Global në Universitetin e Southampton, mbështeti pretendimin e profesor Kelm.

“Transmetimi mund të jetë në prekjen e syrit nëse virusi është i gatshëm, duke e bërë atë të lehtë përhapjen nga një person te tjetri. Mendoni si një ftohje ose grip, prekja e hundës, gojës dhe syve është një mënyrë për ta përhapur atë”, tha ai.

Autoritetet kineze vendosën ndalime të trafikut në disa qytete të tjera për të parandaluar përhapjen e koronavirusit, duke prerë më shumë se 50 milionë njerëz nga gjithsej 16 qytete nga bota.

Përveç kësaj, në Wuhan, i cili tashmë është në izolim, përdorimi i shumicës së automjeteve, përfshirë makinat private, është i ndaluar në qendër. Media shtetërore e Kinës raporton se vetëm automjetet e dorëzimit do të lejohen të trafikojnë pas mesnatës. Transporti publik u ndërpre në fillim të javës, siç ishin fluturimet dhe trafiku hekurudhor, raporton AP.

Mediat kineze gjithashtu raportojnë se Dr. Liang Wudong vdiq në Wuhan nga virusi. Një mjek tjetër, Jinajg Jijun, thuhet se ka vdekur, por nga një sulm në zemër për shkak të rraskapitjes pas orarit të ekzaminimit.

Top Channel