Tirana mbetet në dorë të Refik Halilit, Gjykata pezullon ankandin deri në shqyrtimin e çështjes në themel 24/04 12:50
Fitore e çmendur e Atalantës 0-7 në fushën e Torinos, ku vendësit, përveçse u turpëruan nga rezultati, e mbyllën ndeshjen me dy lojtarë më pak, pasi Izzo e Lukic u ndëshkuan më kartonë të kuq.
Gjithçka nisi keq për Torinon në “Stadiumin Olimpik”, ku bregamaskët e gjetën golin e parë që në minutën e 17-të me Ilicicin, i shërbyer nga Palomino, pasi ky i fundit i rrëmbeu topin një mbrojtësi. Vetëm 9 minuta më vonë zikaltrit shënuan të dytin me Gosens, me një goditje fluturimthi thuajse mbi vijën e 16 metrave.
Atalanta shkoi në epërsi të trefishtë në dhomat e zhveshjes, pasi Zapata shndërroi në gol një penallti të fituar nga Ilicic.
Por Torino s’kishte parë gjë akoma, me pjesën e dytë që rezultoi një makth i vërtetë për të. Ilicic realizoi edhe dy gola të tjerë brenda dy minutave lojë (53’ dhe 54’), i pari me një goditje të befasishme nga mesi i fushës, pas një faulli të shkaktuar në mënyrë naive nga vendësit, ndërsa në rastin e dytë me një goditje të fortë brenda zonës.
Ndëshkimi i Izzos me kartonin e dytë të verdhë e bëri më të rëndë situatën te Torino, që pësoi edhe dy gola të tjerë (7 në total), nga i njëjti autor, Muriel (një prej finalizimeve të tij me 11-metërsh).
Top Channel
