AKU asgjeson ndihma në produkte mishi në Durrës
03/12/2019 01:20
Pagoi para për të blerë vota për të bijën në zgjedhjet e 14 majit, SPAK dërgon për gjykim dosjen e Agim Locit 25/04 11:08
Në ambientet e grumbullimit të ndihmave në shkollën e mesme “Leonik Tomeo”, pas konstatimit të produktet ushqimore me origjinë shtazore (sallam, suxhuk) të ruajtura në kushte të papërshtatshme, trupa inspektuese e AKU-së vendosi asgjësimin e tyre. Produktet ushqimore u cilësuan si të papërshtatshme për konsum human.
Ndërkohë AKU njoftoi se po vijon kontrollet në terren për garantimin e sigurisë së ndihmave ushqimore për familjet e prekura nga tërmeti.
Kontrollet po kryhen nga Drejtoria Rajonale e AKU Durrës në bashkëpunim me atë të qarkut Tiranë, Fier dhe Elbasan, në vend-grumbullimet e produkteve ushqimore të destinuara për konsum nga familjet e prekura nga tërmeti.
Kontrollet janë përqendruar në ambjentet e grumbullimit të shkollës 9-vjeçare “Marie Kaculini”, magazinat e Rezervave të Shtetit në Durrës, shkollën “Benardina Qeraxhija”, në ambientet e Pallatit të Sportit Durrës; si dhe në ambjentet e caktuara nga Bashkia Shijak; në vendet e grumbullimit Sukth, Manëz; në ato te fusha e sportit, Fushë-Krujë dhe në njësinë administrative Nikël.
Nga kontrollet e kryera rezultoi se produktet ushqimore ruhen në kushte të përshtatshme dhe janë brenda afatit të përdorimit, si dhe produktet e ambalazhuara nuk kanë dëmtime, për rrjedhojë janë të sigurta për konsum
Top Channel
