Drejtonte kartelet që kërcënuan princeshën e Holandës, Spanja liron “aksidentalisht” bosin e drogës 23/04 22:54
Sfida e Turqisë ndaj Shteteve të Bashkuara lidhur me sistemin rus e mbrojtjes raketore, sot u pa më qartë se çdo herë tjetër: Sistemi S-400 mbërriti në bazën ajrore Murted pranë Ankarasë, duke vulosur kështu zgjedhjen e presidentit Rexhep Tajip Erdogan, pavarësisht presioneve të Amerikës.
Pas takimit që zhvilloi me Donald Trumpin gjatë punimeve të G20-tës muajin e kaluar, Erdogani deklaroi se SHBA-ja nuk planifikonte sanksione ndaj Ankarasë për shkak të kësaj blerjeje të shumëdiskutuar.
Ndërkohe shefi i shtëpisë së bardhë, ndonëse e pranoi që Turqia nuk ishte trajtuar në mënyrë të drejtë, sërish nuk e përjashtoi mundësinë e sanksioneve.
Shtetet e Bashkuara thonë se sistemet S-400 nuk përputhen me rrjetin e mbrojtjes që përdor NATO-ja dhe mund të vënë në rrezik avionët luftarakë F-35 të kompanisë amerikane Lockheed Martin, për prodhimin e të cilëve ka ndihmuar edhe Turqia ndërsa ka planifikuar dhe blerjen e tyre.
Nën sanksionet e mundshme amerikane, Turqia mund të përballet me përjashtimin nga programi i blerjes së avionëve F-35. Washingtoni e ka ndërprerë tashmë trajnimin e pilotëve turq në SHBA për këto lloj avionësh.
Marrëveshja e cilësuar si e para e këtij lloji ndërmjet Rusisë dhe një vendi anëtar të NATO-s, ka nxitur shqetësime se Turqia po orientohet më tepër drejt sferës së ndikimit të Moskës.
Top Channel
