Kolegji shpërndan mandatet
02/08/2013 00:00
“Takimi edhe për votën e emigrantëve”/ A ka lidhje turi në Greqi me arrestimin e Fredi Belerit? Sekretari i Përgjithshëm i PS: Absolutisht jo! E kemi njoftuar që në dhjetor 10/05 12:35
Kolegji Zgjedhor pranoi kërkesën e Partisë Socialiste dhe ka bërë ndarjen e mandateve të deputetëve për të 12 qarqet e vendit.
Ndaj kësaj vendimmarrjeje reagoi përfaqësuesi ligjor i PD, Ivi Kaso, i cili denoncoi atë që e quajti “presion ilegal” të PS ndaj Kolegjit Zgjedhor.
“Ndjeva keqardhje për faktin se Kolegji, i ndodhur përpara presionit të paligjshëm të PS, me një objekt të paligjshëm të paraqitur jo në kohën e duhur, zgjodhi të dorëzohej përpara këtij presioni të paligjshëm”, deklaroi Kaso.
Ai u shpreh se Kolegji kishte marrë dy vendime anti-kushtetuese dhe kishte shkelur autoritetin e Komisionit Qëndror të Zgjedhjeve, nën presionin e mazhorancës së re.
“Ne shprehëm pretendimet tona se një proçedim i tillë është një vendimmarrje e anti-kushtetuese për faktin se reduktohen kompetencat e Kolegjit për të vepruar sipas ligjit. Sot u vu re një uzurpim i kompetencave të Kolegjit nga PS dhe me këto vendime Kolegji i dha goditjen e fundit KQZ-së”, shtoi Kaso.
Ndërkohë, nuk ka munguar edhe reagimi i përfaqësuesit ligjor të PS, Koli Bele, i cili i cilësoi absurde pretendimet e PD për presion politik ndaj Kolegjit.
“Pretendimet e PD për presion politik janë antiligjore. Kolegji po përfundon procesin sipas ligjit. PD nuk pranon dot humbjen e thellë. Sot u nda ajo që zgjedhësit votuan në zgjedhjet e fundit”, deklaroi Bele.
Pas ndarjes së mandateve nga Kolegji Zgjedhor, Aleanca për Shipërinë Europiane zyrtarizon 83 mandatatet e saj, ndërsa Aleanca për Punësim, Mirëqënie dhe Integrim do përfaqësohet në Parlamentin e ardhshëm me 57 deputetë.
Top Channel
