Berisha-Ramës: Të heqim imunitetet
09/07/2012 00:00
Ekskluzive/ Top Channel zbulon detajet, Rama mbledhje të jashtëzakonshme me ministrat dhe deputetët
04/05 22:35
Kryeministri Sali Berisha deklaroi se mazhoranca po bën përpjekjet e saj
për kompromis në lidhje me Reformën Zgjedhore, ndërkohë që ftoi
kryesocialistin Edi Rama që të vendosë për heqjen e imunitetit të
zyrtarëve.
“Kundër heqjes së imunitetit janë ata që kanë frikë nga vetja e tyre”, u shpreh Berisha në mbledhjen e së hënës së grupit kuvendor demokrat.
Sipas Berishës, heqja e imunitetit është një çështje në interes të qytetarëve, ndaj ftoi Ramën që të mos dëgjojë atë që ai e quajti ‘Këshilli i Miliarderëve”.
Më herët në fjalën e tij, Berisha u shpreh se rritja e pagave dhe pensioneve u realizua pa ndihmën e borxheve, duke theksuar se qeveria shqiptare është nga më të paktat në botë që rrit pagat dhe pensionet.
“Investimet e bëra në Shqipëri kanë sjellë krijimin e vendeve të punës. Tre vitet e fundit investimet e huaja kanë arritur në rreth 1 miliard dollarë”, tha Berisha.
Top Channel
