Integrimi, Jensen: Politika të plotësojë 12 kushtet
14/03/2012 00:00
Edi Rama refuzoi interpelancën, reagon Gazment Bardhi: Shqiptarët kanë një muaj që presin sqarime 26/04 14:19
Ambasadori danez në vendin tonë, Karsten Ankjær Jensen uroi sot që vendi
të marrë këtë vit statusin e kandidat në Bashkimin Europian, por për këtë duhet
të punohet për plotësimin e 12 kushteve.
Ambasadori ka qëndruar të mërkurën në në Elbasan, ku ka marrë pjesë në festimet për Ditën e Verës.
Jensen theksoi se marrja e statusit të vendit kandidat për Shqipërinë e ka në dorë politika shqiptare pasi ajo duhet të plotësojë 12 kriteret e kërkuara nga Bashkimi Europian. Ndërkohë qytetin e Elbasanit do ta vizitojë sot edhe kryeministri i Shqipërisë Sali Berisha dhe kreu i opozitës Edi Rama.
Ndërkohë qyteti i Elbasanit, aty ku kjo festë është edhe tradicionale, aktivitetet kanë nisur që orët e para të mëngjesit të sotëm me koncerte të shumta në qendër të qytetit.
Qendra e qytetit është kthyer në nje shëtitore të preferuar, ndërsa grupe të ndryshme muzikore si dhe banda frymore po performojnë për të pranishmit.
Ndërkohë gjatë festimeve për Ditën e Verës nuk do të mungojë për asnjë moment edhe ëmbëlsira karakteristike e kësaj dite ballokumja.
Top Channel
