Divjakë, plagoset me thikë i riu
27/12/2011 00:00
Xhulio Fusha, 22 vjec nga Divjaka, është qëlluar me thikë nga Xhuliano Gjeka, 20 vjec po nga Divjaka.
Ngjarja ka ndodhur në një lokal në orët e para të mëngjesit ku në debat e sipër 20-vjecari e ka qëlluar të plagosurin me thikë në pjesë të ndryshme të trupit duke i shkaktuar plagë të rënda.
I plagosuri u dërgua menjëherë në Spitalin e Lushnjes për të marrë ndihmën e parë mjekësore dhe më pas për shkak të plagëve të rënda u transportua drejt Spitalit Ushtarak në Tiranë.
Informacione nga ky spital bëjnë të ditur se 22-vjecari Xhulio Fusha është në gjendje kritike për jetën.
Policia e Lushnjes ka arrestuar autorin 20-vjecarin Xhuliano Gjeka dhe po punon për zbardhjen e plotë të rrethanave të ngjarjes.
Top Channel