Mëshira europiane për Greqinë
27/10/2011 00:00
Pullat fiskale i prodhon shteti, qeveria propozon që nga 1 janari 2025 ky shërbim të mos jetë më me koncesion
26/04 19:49
Marrëveshja e liderëve të Eurozonës, për lehtësimin e borxhit të Greqisë
detyron edhe disa banka në Shqipëri të japin kontributin e tyre. Sipas
marrëveshjes, bankat private që i kanë dhënë borxh qeverisë greke
detyrohet të falin gjysmën e shumës, pasi fqinji ynë jugor nuk ka
mundësi financiare për ta shlyer të gjithë atë.
Top Channel ka mësuar se bankat qe operojne ne Shqiperi kanë të investuara aktualisht rreth 11 milionë euro në letra me vlerë të qeverisë greke. Sipas marrëveshjes, 50 për qind e kësaj shume ose 5.5 milionë nuk do të shlyhet më dhe i falet qeverisë greke.
Vitin e kaluar, sipas të dhënave zyrtare të Bankës së Shqipërisë, sektori bankar në vend pati një fitim total prej 6.7 miliardë lekësh, që i konvertuar do të thotë gati 48 milionë euro. Shuma që bankat shqiptare do t’i falin Greqisë është sa gati 12 për qind e fitimit që ato realizuan vitin e kaluar.
Sërish shifra e humbjeve për bankat shqiptare është modeste dhe nuk krijon probleme për sektorin bankar. Ndryshe nga ajo që mund të ndodhë në disa vende të tjera, sidomos në Greqi, ku për disa nga bankat po përflitet ideja e shtetëzimit për shkak të humbjeve të mëdha, që pësojnë nga marrëveshja për faljen e borxhit grek.
Pakti i BE-se
Lideret europianë arritën një marrëveshje tri pikëshe të konsideruar jetike për zgjidhjen e krizes së borxheve në rajon.
Pas bisedimeve maratone në Bruksel, krerët e bllokut deklaruan se bankat private që i kanë dhënë hua Greqisë, pranuan të dalin me 50% humbje tek letrat me vlerë.
Bankave do t’u duhet ndërkohë të grumbullojnë me shume kapital per t’u mbrojtur nga humbjet qe mund te rezultojne prej cdo rreziku te ardhshem qe ndonje qeveri te shpalle mosaftesine per te shlyer detyrimet.
Korniza ligjore e fondit te ri do te pervijohet ne nentor. Edhe pse ujdia ne vetvete nuk eshte aq ambicioze sa c`shpresonin disa, eshte maksimumi qe mund te arrihej ne keto kushte.
Papandreu: Shpetuam
Greqia shpetoi mbi 100 miliard euro ndersa vihen themelet per te ulur ne 120 % te PPB deficitin shteteror deri ne vitin 2020 nga 160% qe eshte tani.“Nje dite e re po lind per ne”, ka thene kryeministri Papandreu, duke falenderuar gjithe greket per perpjekjen mbinjerezore qe po bejne.
“Me keto vendime –ka deklaruar Papandreu- ju shmangem rrezikut te falimentimit, kemi siguruar financimin e vendit me 100 miliard euro deri ne 2014 kemi zgjidhur problemin e likuiditetit te sistemit bankar me 30 miliard euro me ane te rikapitalizimit te tyre, kemi siguruar pensionet e qytetareve”.
Top Channel
