Wordsworth: Vendet e BE, dakord për rezolutën
07/09/2010 15:50
Ambasadori britanik në Serbi, Stiven Wordsworth ka deklaruar se vendet e BE kanë rënë dakord me tekstin e rezolutës serbe për Kosovën.
Sipas tij, kjo përputhje qëndrimesh tregon se rezoluta nuk do të ndërhyjë në cështjen e pavarësisë së Kosovës.
“Fakti që 27 vendet e BE, përfshirë ato që s’e kanë njohur Kosovën, kanë rënë dakord mbi rezolutën, garanton se formulimet nuk do të përcaktojnë cështjen e shtetësisë së Kosovës”, ka pohuar Wordsworth.
Ai ka theksuar gjithashtu se në tekst nuk kërkohet që Serbia të njohë Kosovën, por kërkohet gjetja e mënyrës për njohjen e mendimit të GJND-së.
Top Channel