Piktura dhe Gjirokastra e gurtë, çelet ekspozita e piktorit Pëllumb Pucit në kalanë e qytetit
27/09 20:14
Skema e ngjyrave
Madhësia e shkrimit
Një nga filmat më të dashur të kinematografisë sonë, “Mimoza Llastica”, u rikthye i restauruar në ekranin e kinemasë.
Prodhimi i mbi gjysmë shekulli më parë i regjisores më të rëndësishme të filmit për fëmijë, “Mimozë Llastica”, Xhanfise Keko, është vlerësuar për gjuhën e sinqertë dhe të ndjeshme, që vazhdon të komunikojë me publikun edhe sot.
Restaurimi në 4K u realizua në Romë me mbështetjen financiare të Teuta Doçit, një nga shoqet e Mimozës në film, e cila ishte e para që iu bashkua nismës së Arkivit Qendror Shtetëror të Filmit, “Adopto një film për restaurim”.
“Mendova pse të mos e bëj restaurimin e një filmi ku unë isha pjesëmarrëse para 53 vitesh. Ishte një emocion i rrallë. E bëra me shumë kënaqësi. Falënderimi u takon atyre që realizuan këtë film. Ne ishim tetë vajza të vogla dhe ata u morën me ne me shumë dashuri”, tha Teuta Doçi.
“Ka qenë një punë e gjatë restaurimi i këtij filmi, që përbën një kureshtje sa i përket aktorëve të vegjël, Xhanfise Keko, që u mor me këtë film, e të tjerët”, tha drejtori i Arkivit Qendror të Filmit, Eljan Tanini.
Kjo premierë u shfaq si filmi përmbyllës i Tirana International Film Festival, që në natën e fundit ndau çmimet për filmat, regjisorët dhe aktorët më të mirë pjesëmarrës.
Top Channel
