“Situata në sistemin e shëndetësisë është e rënduar/ Interpelanca me ministren e Shëndetësisë, Spahiu i përgjigjet deputetit demokrat: Do më keni çdo javë përballë jush 17/09 13:45
Skema e ngjyrave
Madhësia e shkrimit
Monika Kryemadhi është ndalur pas seancës në GJKKO për të biseduar me protestuesit që ndodheshin përpara SPAK dhe Gjykatës së Posaçme.
Gjatë diskutimit, Kryemadhi i këshilloi ata që të strukturojnë dhe organizojnë lëvizjen e tyre, por duke i paralajmëruar që të mos ndjekin mënyrën e funksionimit të partive politike.
Biseda vijoi më pas me replika mes saj dhe një prej protestuesve për partitë, votën dhe raportin e politikanëve me qytetarët.
Pjesë nga diskutimi:
Monika Kryemadhi: Më dëgjoni një sekondë aq eksperiencë sa kam unë. Një sugjerim po jua jap nga vetja imë, Strukturohuni! Po nuk u strukturuat, do të ngeleni shumë pak.
Protestuesi: Me kë të strukturohemi?
Monika Kryemadhi: Me njëri -tjetrin…Po atëherë qenkan të gjithë shqiptarët hajdutë
Protestuesi: Jo, partitë janë përçarëse.
Monika Kryemadhi: Partitë atë punë kanë, nuk të do ty partia. Pse si do t’ia mbash ti?
Protestuesi: Urdhëro!
Monika Kryemadhi: Si e mban televizioni gjithë atë godinë të madhe?
Protestues: Me lekët e popullit
Monika Kryemadhi: Po si u bë ai pra, nga populli
Protestues: Po edhe ti nga populli je bërë me thënë të drejtën.
Monika Kryemadhi: Jo mua nuk më ka bërë populli, mua më ka bërë shoqëria. Mua nuk më ka votuar populli.
Protestues: Me shoqëri na keni vjedhur të gjithë bashkë
Monika Kryemadhi: Jo, jo. Mua më ka votuar shoqëria ime jo populli.
Protestuesi: Votën ia ke kërkuar popullit.
Monika Kryemadhi: Ti më ke votuar? Unë votën ia kam kërkuar shokut tim, jo popullit. Po ti pse vjen këtu?
Protestuesi: Ç’është kjo me shoqëri, mirë që e thua se del keq vetë.
Monika Kryemadhi: Populli ia ka dhënë Edi Ramës
Protestuesi: Nuk ia ka dhënë Edi Ramës, e ka vjedhur votën.
Top Channel
