Katër grupe pune kanë nisur mëngjesin e sotëm verifikimin dhe inventarizimin e dëmeve të shkaktuara nga moti i keq i një dite më parë në Elbasan.
Nga verifikimet paraprake rezulton se janë prekur 30 banesa dhe 20 bodrume, të cilat përfshijnë ambiente biznesi dhe parkime.
Grupet e punës po dokumentojnë çdo dëm të shkaktuar, nga dëmtimet e pajisjeve elektroshtëpiake deri te dëmet e tjera të evidentuara në banesa.
Paralelisht, grupet e ndërhyrjes vijojnë punën për pastrimin e inerteve dhe largimin e ujit në zonat ku ende ka prani të tij.
Ndërkohë, po vijon edhe zhbllokimi i kolektorëve nga mbetjet e sjella nga prurjet e ujit, me qëllim rikthimin e situatës në normalitet.
Top Channel
