Frank Kessie nuk do të veshë fanellën e Juventus FC sezonin e ardhshëm. Me merkaton që po i afrohet fundit, bardhezinjtë kanë kthyer vëmendjen te një tjetër mesfushor për të plotësuar kërkesën e trajnerit Luciano Spalletti.
Objektivi i ri është Pape Matar Sarr, mesfushori senegalez i lindur në vitin 2002, që aktivizohet te Tottenham Hotspur F.C..
Sipas raportimeve, Juventusi ka arritur tashmë një marrëveshje me vetë lojtarin, i cili dëshiron të transferohet në Torino. Bardhezinjtë kanë kaluar në avantazh ndaj interesimit të Monaco dhe Besiktas për mesfushorin.
Tani pritet të nisë negociata me Tottenhamin për një huazim me të drejtë blerjeje, ndërsa Juventusi kërkon që klubi londinez të mbulojë edhe pagën e lojtarit. Tottenham, nga ana tjetër, kërkon që marrëveshja të përfshijë edhe një detyrim blerjeje në rast se plotësohen disa kushte.
Orët e ardhshme do të jenë vendimtare për të kuptuar nëse Tottenham do të pranojë të heqë dorë nga Sarr, veçanërisht në një moment të vështirë për skuadrën, e cila ka humbur dy ndeshjet e para në Premier League.
Sarr është një mesfushor shumëfunksional, i aftë të luajë në qendër të mesfushës, por edhe si mezzala. Ai spikat edhe për aftësinë për t’u futur në zonën kundërshtare dhe për të kontribuar në fazën sulmuese. Juventusi tani është në garë kundër kohës për të siguruar shërbimet e Sarr para mbylljes së merkatos.
Top Channel
