Investigimi i Financial Times, si bankierët rusë anashkaluan sanksionet evropiane gjatë luftës në Ukrainë dhe fituan 9 milionë euro 26/08 14:16
Skema e ngjyrave
Madhësia e shkrimit
Një nënë dhe vajza e saj 18-vjeçare kanë humbur jetën pasi u plagosën rëndë nga shembja e një muri gjatë përmbytjeve të menjëhershme në Spanjën verilindore.
Ngjarja ndodhi pranë bregdetit, në portin e Ronda de Bera, rreth 75 kilometra në jugperëndim të Barcelonës. Dy gratë ishin mes tre personave që u plagosën nga moti i keq.
Sipas mediave spanjolle, nëna dhe vajza ishin strehuar në një kioskë në një treg të hapur, kur forca e ujit shkaktoi shembjen e një muri që ndante rrugën nga një banesë. Muri u shemb mbi to, duke i lënë të dyja në gjendje kritike.
Autoritetet e Ronda de Beras njoftuan përmes një postimi në Instagram se dy gratë nuk mundën t’u mbijetonin plagëve. Në shenjë zie, bashkia shpalli dy ditë zie zyrtare.
Presidenti i Katalonjës, Salvador Illa, shprehu ngushëllimet për familjen e viktimave përmes një postimi në X, duke u ofruar mbështetjen e tij në këto momente dhimbjeje.
Stuhia shkaktoi dëme të shumta në zonë. Rreth dhjetë persona u plagosën, ndërsa një kamping dhe një klub nate u evakuuan. Përmbytjet mbuluan rrugët me ujë dhe bllokuan disa persona brenda automjeteve.
Autoritetet vijojnë të monitorojnë situatën, ndërsa zona është përballur me reshje të dendura dhe përmbytje të menjëhershme.
Top Channel
