Një fundjavë pozitive për futbollistët shqiptarë që aktivizohen jashtë vendit, me disa prej tyre që u bënë protagonistë me gola dhe asiste në skuadrat e tyre.
Në Turqi, Ernest Muçi u rikthye titullar pas dëmtimit dhe dha asistin për golin e Salah në fitoren e Trabzonsporit 2-1 ndaj Başakşehirit.
Në Itali, Cristian Shpendi gjeti rrjetën për Cesenën në barazimin 1-1 ndaj Sampdorias. Sulmuesi shqiptar shënoi që në minutën e 17-të, duke i dhënë skuadrës së tij avantazhin.
Në Iran, Jasir Asani vazhdon formën e mirë. Sulmuesi i Esteghlal shënoi golin e parë të sezonit në fitoren 2-0 ndaj Sepahanit, duke zhbllokuar sfidën që në minutën e katërt.
Edhe në Greqi pati kontribut shqiptar. Stavro Pilo asistoi për golin e dytë të AEK Athens në fitoren e thellë 4-0 ndaj Iraklisit.
Ndërkohë, në Kroaci, Etnik Brruti shënoi në fitoren 4-0 të Hajduk Split ndaj Osijekut. Mesfushori i Kombëtares U-21 realizoi në minutën e nëntë, duke i dhënë ekipit të tij avantazhin.
Në ndeshjet e fundit janë aktivizuar edhe Strakosha, Gjimshiti, Ismajli, Cake, Ramadani, Shehu, Laçi, Pajaziti, Hoxha, Seferi, Broja dhe Uzuni, duke vijuar angazhimet e tyre me klubet respektive.
Golat dhe asistet e Muçit, Shpendit, Asanit, Pilos dhe Brrutit e bëjnë këtë një tjetër javë premtuese për futbollistët shqiptarë në arenën ndërkombëtare.
Top Channel
