“Vizion, strategji, prioritete, objektiva dhe një manekin me kurorë: PRODUCENTE FILMI”, Mevlan Shanaj skanon realitetin e kinematografisë shqiptare 23/08 16:21
Skema e ngjyrave
Madhësia e shkrimit
Mbrëmjen e së shtunës, në qytetin e Gjirokastrës ka çelur siparin edicioni i 6-të i “Dropull International Short Film Festival”.
Për herë të parë, ky aktivitet zhvillohet njëkohësisht në Gjirokastër dhe Dropull. Përgjatë katër ditëve, në ekranin e madh të kinemasë do të shfaqen 30 filma konkurrues, prodhime kinematografike nga Shqipëria, Kosova dhe Greqia.
Pjesë e programit të festivalit është organizimi i workshopeve për filmin, animacionin, pikturën, etj., me pjesëmarrjen e artdashësve të moshave të ndryshme.
“Mendoj se ky është një festival i rëndësishëm për rajonin sepse vendosen ura bashkëpunimi në fushën e kinematografisë midis Shqipërisë, Kosovës dhe Greqisë. Gjithashtu, është një mundësi e mirë për komunitetet lokale që të vijnë në kinema për të ndjekur filma të regjisorëve nga vende të ndryshme. Në këtë mënyrë diskutohet për bashkëpunim kinematografik rajonal, si dhe forcimin e tij në të ardhmen”, tha një vajzë.
“Ndodhem në këtë festival si regjisore, ndërsa kam përgatitur një film për konkurrim. Është hera e parë që vij në Shqipëri dhe Gjirokastër. Është një vend shumë i këndshëm dhe tërheqës, uroj që festivali të ketë sukses!”, tha një tjetër vajzë.
Në këtë sezon vere, Festivali Ndërkombëtar i Filmit e ka kthyer qytetin e gurtë në qendër të prezantimit të vlerave të kinematografisë, ndërsa transmetimi i filmave po tërheq artdashësit dhe turistët.
Top Channel
