Rrëzohet helikopteri në ishullin Sifnos në Greqi, dyshohet për viktima 17/08 17:52
Skema e ngjyrave
Madhësia e shkrimit
Një 56-vjeçare është transportuar me urgjencë në spital në gjendje të rëndë, pasi ka rënë nga ballkoni i banesës në Palermo, Itali, i cili është shembur papritur nën këmbët e saj.
Gruaja, Gizella Nazs, me origjinë nga Hungaria dhe banuese në Palermo, ndodhej në banesën e saj, pranë stacionit qendror të qytetit, kur ndodhi incidenti. Sipas raportimeve paraprake, ajo kishte dalë në ballkon për të varur rrobat kur struktura u shemb.
Ballkoni ishte në gjendje të amortizuar dhe ishte rrethuar me një rrjetë të gjelbër. Pas shembjes, 56-vjeçarja ka rënë dhe ka pësuar dëmtime të rënda trupore. Ajo u transportua në spital me kod të kuq.
Në vendngjarje mbërritën ekipet e zjarrfikësve dhe policia, të cilat nisën ndërhyrjen dhe verifikimet për rrethanat e incidentit.
“Zakonisht pasdite ulemi poshtë këtyre ballkoneve për të marrë pak freski. Gjithçka ndodhi papritur. Shpresojmë që gruaja të mos jetë në gjendje shumë të rëndë”, tha një i moshuar që jeton pranë pallatit ku ndodhi shembja.
Rasti i dytë brenda tre ditësh
Ky është rasti i dytë i ngjashëm në Itali brenda vetëm tre ditësh. Më 14 gusht, një tjetër grua 56-vjeçare ndodhej në tarracën e banesës së saj, në katin e tretë të një pallati në Livorno, kur struktura u shemb papritur.
Gruaja ra nga një lartësi prej rreth 10 metrash dhe u dërgua në spital në gjendje kritike. Pavarësisht përpjekjeve të mjekëve, ajo ndërroi jetë në spital.
Top Channel
