Tërmeti shkatërrues në Kolumbi/ Shkon në 294 numri i viktimave, 4000 persona të plagosur, vijon beteja për gjetjen e 400 të zhdukurve 15/08 20:07
Skema e ngjyrave
Madhësia e shkrimit
Njëmbëdhjetë persona janë vrarë në sulmet izraelite në Libanin jugor, thonë autoritetet, duke e cilësuar si një nga ditët më vdekjeprurëse të sulmeve që nga njoftimi i një marrëveshjeje në muajin qershor, që synonte reduktimin e armiqësive.
Kryeministri i Libanit tha se shtatë persona u vranë në një sulm ndaj një shtëpie, ku media shtetërore raportoi mes viktimave ishin tre fëmijë dhe dy gra. Më vonë, një tjetër valë sulmesh izraelite vrau katër persona dhe plagosi pesë të tjerë, tha Ministria libaneze e Shëndetësisë.
Ushtria izraelite tha se kishte goditur “infrastrukturën terroriste të Hezbollahut” në përgjigje të asaj që e përshkroi si një veprim të mëparshëm kundër ushtarëve të saj. Forcat izraelite hapën zjarr me mitralozë drejt shtëpive, duke shkatërruar disa prej tyre, ndërsa pamjet tregonin re të mëdha tymi në rrugët e vendit, ndërsa binin sirenat e alarmit.
Libani u përfshi në luftën midis Izraelit, SHBA-së dhe Iranit më 2 mars, kur Hezbollahu – grupi i armatosur i lidhur me Iranin – lëshoi raketa në Izrael në hakmarrje për një sulm që vrau udhëheqësin suprem të Iranit.
Izraeli u përgjigj duke nisur një fushatë bombardimi në të gjithë Libanin dhe duke pushtuar një pjesë të konsiderueshme të jugut të vendit. Forcat e tij vazhdojnë të pushtojnë afërsisht 5% të territorit libanez.
Top Channel
