Arman Durmishi po fiton gjithnjë e më shumë besimin e Luciano Spallettit te Juventusi.
Sulmuesi i Kombëtares shqiptare U-19 mori minuta të tjera me fanellën bardhezi në përballjen ndaj Nis, duke treguar edhe një herë cilësitë e tij.
18-vjeçari u hodh në fushë menjëherë pas pushimit mes pjesëve, në një moment kur Juventusi kryesonte me rezultatin 1-0. Talenti shqiptar u shfaq menjëherë aktiv në repartin ofensiv dhe kërkoi të ishte protagonist.
Në minutën e 72-të, pas një topi të gjatë nga Kalulu, Durmishi fitoi duelin me portierin kundërshtar përmes një driblimi të bukur, por nuk arriti ta finalizonte aksionin pasi goditja e tij përfundoi jashtë kuadratit.
Pak minuta më pas, sulmuesi provoi të krijonte një tjetër rast për shokët e skuadrës, ndërsa në minutën e 80-të shpërtheu në aksion individual në drejtim të portës kundërshtare, por u ndal me faull nga mbrojtja e Nice.
🇦🇱 Arman Durmisi (ST/18) against Nice today pic.twitter.com/M7l0QdJqGU
— Albanian Football Scout 🇦🇱 (@FootballAlbXI) July 31, 2026
Sfida përfundoi me fitoren 2-0 të skuadrës italiane, ndërsa Durmishi vijon të japë sinjale të mira dhe të konfirmojë se është një nga talentet më interesantë shqiptarë në futbollin europian.
Top Channel
