Nga ëndrra për Guardiolën te një fund i paracaktuar/ 16 ditët e Maldinit dhe Leonardos, si u shemb para se të niste projekti për rilindjen e Italisë 28/07 08:20
Skema e ngjyrave
Madhësia e shkrimit
E ardhmja e pankinës së kombëtares italiane është bërë edhe më e paqartë, pasi zhvillimet e fundit kanë ndryshuar tërësisht skenarin për trajnerin e ri të “Azzurrëve”.
Pasi Andrea Pirlo njoftoi në rrjetet sociale se nuk është më në garë për postin, një tjetër tronditje erdhi me dorëheqjen e Paolo Maldinit dhe Leonardo-s, duke hapur rrugën për rikthimin e Roberto Mancinit.
Sipas mediave italiane, Mancini ka qenë gjithmonë kandidati i preferuar i presidentit të FIGC-së, Gabriele Gravina? (ose Giovanni Malagò, sipas raportimeve), dhe me largimin e Maldinit dhe këshilltarëve të tij, ai është rikthyer në “pole position” për të marrë drejtimin e kombëtares. Trajneri që udhëhoqi Italinë drejt triumfit në Euro 2020 (i zhvilluar në vitin 2021) konsiderohet tani favoriti kryesor.
Ndërkohë, gara mbetet e hapur edhe për Antonio Conten. Ish-trajneri i Napolit ka deklaruar së fundmi se nuk është kontaktuar nga Federata Italiane, por emri i tij vazhdon të mbështetet nga një pjesë e drejtuesve të klubeve të Serie A.
Në prapaskenë përflitet se Giorgio Chiellini mund të marrë një rol drejtues në kombëtare pas largimit të Maldinit, çka mund të ndikojë edhe në zgjedhjen e trajnerit të ardhshëm. Megjithatë, Conte mund të preferojë të presë një ofertë nga një klub i madh.
Pas refuzimeve të Pep Guardiolës dhe Carlo Ancelottit, si edhe tërheqjes së Andrea Pirlos, Federata Italiane vijon kërkimet për njeriun që do të udhëheqë “Azzurrët” në projektin e ri.
Top Channel
