Mbrohet “Tava e Elbasanit”/ Tava e kosit do të bëhet pjesë e trashëgimisë kulturore kombëtare jomateriale
16/07 15:29
Skema e ngjyrave
Madhësia e shkrimit
Në Gjirokastër ka pasur shumë aktivitete kulturore këto ditë në kuadër të 21 vjetorit të përfshirjes së qytetit të gurtë në Listën e Trashëgimisë Botërore të UNESCO-s
Gjirokastra shënoi 21-vjetorin e përfshirjes në Listën e Trashëgimisë Botërore të UNESCO-s me një sërë aktivitetesh kulturore që promovuan historinë, traditën dhe identitetin e qytetit të gurtë.
Në kuadër të kësaj dite u çel edhe ekspozita fotografike e fotografit të njohur Roland Tasho, e cila solli për vizitorët imazhe të rrugicave karakteristike të Gjirokastrës, monumenteve të kulturës, Festivalit Folklorik Kombëtar dhe jetës tradicionale, duke pasqyruar përmes objektivit vlerat që e kanë bërë qytetin pjesë të trashëgimisë botërore.
Gjatë ceremonisë festive, Bashkia e Gjirokastrës akordoi tituj nderi për dy personalitete që kanë kontribuar në promovimin e qytetit dhe kulturës shqiptare, fotografin Roland Tasho dhe artistin Roland Çenko, si shenjë vlerësimi për kontributin e tyre ndër vite. Aktivitet sollën së bashku banorë, turistë vendas e të huaj, ndërsa 21-vjetori i UNESCO-s u kthye në një tjetër mundësi për të promovuar pasurinë historike, kulturore dhe artistike të Gjirokastrës.
Atmosfera festive kulmoi në mbrëmje, kur grupet e polifonisë performuan këngë tradicionale për qindra vizitorë të mbledhur në qytetin e gurtë, duke i dhënë festës një mbyllje autentike me tingujt e trashëgimisë shpirtërore shqiptare.
Top Channel
