Polemikat pas Argjentinë-Egjipt, zemërim ndaj arbitrit për vendime të dyshimta. Tre episodet që tërbuan “Faraonët” 08/07 18:08
Skema e ngjyrave
Madhësia e shkrimit
Presidenti i Borussia Dortmund, Hans-Joachim Watzke, ka bërë një deklaratë që pritet të rikthejë spekulimet rreth të ardhmes së Erling Haaland. Sipas tij, sulmuesi norvegjez ka një dëshirë të qartë për të veshur fanellën e Real Madridit.
Në një intervistë të dhënë më herët për gazetën spanjolle AS, Watzke u shpreh se nuk pret që Haaland të largohet menjëherë nga Manchester City, por beson se transferimi në “Santiago Bernabéu” është vetëm çështje kohe.
“Erling e do Real Madridin dhe nuk e fsheh këtë. Mendoj se pas dy ose tre vitesh ai do të luajë atje, por jo tani. Koha e tij do të vijë,” deklaroi Watzke.
Ai shtoi gjithashtu se sulmuesi norvegjez nuk ka arritur ende një marrëveshje me asnjë klub tjetër, duke përforcuar idenë se e ardhmja e tij mbetet e hapur.
Deklaratat e presidentit të Dortmundit vijnë në një moment të veçantë për Haaland, i cili po kalon një nga periudhat më të mira të karrierës së tij. Sulmuesi udhëhoqi Norvegjinë drejt kualifikimit në Kupën e Botës pas 28 vitesh mungesë, duke realizuar shtatë gola dhe duke qenë protagonisti kryesor i suksesit të kombëtares së tij.
Në Botërorin 2026, Haaland tërhoqi vëmendjen e botës së futbollit pasi udhëhoqi Norvegjinë drejt eliminimit të Brazilit, duke konfirmuar edhe një herë statusin e tij si një nga sulmuesit më të mirë në botë.
Aktualisht, 26-vjeçari është një nga futbollistët me vlerën më të lartë në treg, i vlerësuar me rreth 200 milionë euro, në të njëjtin nivel me talentin spanjoll Lamine Yamal.
Edhe pse Manchester City ka mohuar ekzistencën e një klauzole largimi në kontratën e tij, agjentët e Haaland kanë theksuar vazhdimisht se lojtari do të zgjedhë vetë destinacionin dhe momentin e duhur për hapin e radhës në karrierë.
Interesimi i Real Madridit për Haaland nuk është i ri. Klubi madrilen e kishte ndjekur sulmuesin që në kohën kur ai luante për Molde në Norvegji, por në atë periudhë ishte Red Bull Salzburg që siguroi transferimin e tij. Që prej asaj kohe, emri i Haaland është lidhur vazhdimisht me kampionët e Evropës.
Mbetet të shihet nëse historia do të ndjekë të njëjtën rrugë si ajo e Kylian Mbappé, i cili iu bashkua Real Madridit vetëm pas disa vitesh pritjeje dhe negociatash.
Top Channel
