Strukturat verifikuese të Doganës së Durrësit, në bashkëpunim me sektorin e Antikontrabandës, kanë goditur një rast të mosdeklarimit të plotë të mallrave gjatë procedurave doganore.
Sipas njoftimit zyrtar, gjatë skanimit dhe kontrollit fizik të një ngarkese u konstatuan tetë motoçikleta të padeklaruara, të cilat nuk ishin përfshirë në dokumentacionin shoqërues të deklarimit.
Siç raporton korrespondentja e Top Channel Vali Qyrfyçi, për këtë shkelje u hartua procesverbali për kundërvajtje administrative, ndërsa autoritetet doganore llogaritën detyrimin doganor të munguar dhe vendosën sanksionet përkatëse, në përputhje me legjislacionin doganor në fuqi.
Top Channel
