Hetimet ndaj Alessandro Bastonit, avokati mohon akuzat: Nuk ka kryer asnjë marrëdhënie me pagesë, aq më pak me një të mitur 01/07 22:14
Skema e ngjyrave
Madhësia e shkrimit
Bota e Alessandro Bastonit u trondit sërish dhe këtë radhë nuk bëhet fjalë për një episod në fushën e lojës, këtë radhë futbolli nuk ka të bëjë aspak. Këtë radhë bëhet fjalë për një çështje prostitucioni me minorene që e ka vendosur futbollistin në qendër të hetimeve të prokurorisë milaneze për skandalin me eskortat që u zbulua për herë të parë në 20 prill.
Bota e futbollit tani është larg dhe tani futbollisti mendon vetëm të provojë pafajësinë e tij, ndërkohë që një tjetër pikëpyetje është në lidhje me të ardhmen e tij futbollistike.
Në momentin kur Bastoni mori fletëthirrjen, ai ishte me pushime në Puglia me familjen. U kthye në Milano në mbrëmjen e së mërkurës i turbulluar për këtë çështje, që është vetëm telashi i fundit i tij në këtë 2026 kur ka parë që t’i minohet imazhi i tij i djalit të mirë që nga muaji shkurt. Kjo çështje ku është përfshirë Bastoni, formalisht nuk e prek Interin, por klubi komunikoi me telefon me futbollistin duke dashur ta qetësojë në mënyrë private. Kjo do të thotë se Klubi është me të dhe nuk do ta lërë vetëm.
Ndërkaq e ardhmja e tij futbollistike është ende një rebus. Klubi i qëndron linjës së tij; të vijojë me Bastonin duke marrë në konsideratë vetëm një shitje të tij në klube jashtë Italisë nëse do të krijohen kushtet. Në Spanjë prej ditësh po flitet për operacionin Bastoni te Reali i Madridit, me Jose Mourinhon që e konsideron italianin si përforcimin perfekt për mbrojtjen e skuadrës së tij, por në Milano nuk ka ardhur asnjë komunikim apo propozim zyrtar nga Los Blancos, të paktën për momentin. Dhe nëse gjërat janë kështu, Bastoni nuk largohet, por nëse Reali i Madridit apo ndonjë klub tjetër, shfaqen me kalimin e kohës, atëherë gjërat mund të ndryshojnë.
Por tani janë edhe komentet e tifozëve; ata të Realit të Madridit e kërkojnë me ngulm dhe nëse shumica e tifozëve të Interit urojnë apo shprehen të sigurt për pafajësinë e tij për çështjen e 2020, ka nga ata që mendojnë se historisë mes futbollistit dhe klubit zikaltër i erdhi fundi.
Top Channel
