Nottingham Forest ka vendosur t’i japë fund bashkëpunimit me trajnerin Vítor Pereira dhe ka emëruar në krye të skuadrës austriakun Oliver Glasner.
Glasner bëhet trajneri i pestë i klubit brenda më pak se një viti, në një tjetër ndryshim të rëndësishëm në stolin e Forest.
Sipas raportimeve, drejtuesit e Nottingham Forest shfrytëzuan klauzolën në kontratën e Pereirës, e cila u lejonte ta ndërprisnin marrëveshjen gjatë muajit qershor. Vendimi u mor vonë të martën në mbrëmje.
Klubi anglez pa si një mundësi të artë emërimin e Glasner, i cili u largua nga Crystal Palace në fund të sezonit, pasi udhëhoqi skuadrën drejt triumfit historik në UEFA Conference League.
Forest besoi se mundësia për të afruar trajnerin austriak ishte tepër e mirë për t’u humbur dhe veproi menjëherë për ta emëruar në krye të ekipit.
Glasner tashmë do të ketë detyrën të udhëheqë Nottingham Forest në sezonin e ri, me objektivin për të ndërtuar një skuadër konkurruese në Premier League.
Top Channel
