Një vatër zjarri është shfaqur pasditen e sotme në qytetin e Kukësit, ku flakët kanë përfshirë një sipërfaqe me livadhe dhe shkurre pranë rrugës së Kënetës.
Në vendngjarje kanë mbërritur forcat e shërbimit zjarrfikës, të cilat po punojnë për vënien nën kontroll të flakëve dhe për të parandaluar përhapjen e tyre.
Sipas informacioneve paraprake, era po favorizon përhapjen e zjarrit, duke e bërë më të vështirë ndërhyrjen e efektivëve. Vatra ndodhet rreth 200 metra larg rrethimit të Aeroportit të Kukësit, çka ka rritur vigjilencën e autoriteteve.
Deri në këto momente nuk raportohet për persona të lënduar apo dëme në objekte, ndërsa operacioni për shuarjen e flakëve vijon.
Top Channel
