“Dridhet” Milani, gjiganti anglez futet sërish në garë për shërbimet e Maignan, francezi drejt largimit

Sipas mediave italiane, Chelsea kishte tentuar ta transferonte 30-vjeçarin edhe verën e kaluar, kur ai ishte në vitin e fundit të kontratës me klubin italian, por marrëveshja nuk u finalizua.

Tani, klubi londinez ka rifilluar përpjekjet për ta afruar portierin, duke zhvilluar kontakte me përfaqësuesin e tij, Jonathan Kebe. Megjithatë, deri më tani nuk është bërë asnjë ofertë zyrtare drejt Milanit.

Nga ana tjetër, Milani thuhet se synon ta mbajë portierin si një nga lojtarët kyç të sezonit, sidomos pas ndryshimeve në stolin drejtues dhe ardhjes së trajnerit të ri Ruben Amorim.

Maignan ka rinovuar kontratën në janar, e cila e lidh me klubin deri në vitin 2031, por raportohet se situata e re në klub mund ta bëjë atë të hapur ndaj një sfide të re, me Premier League që shihet si një destinacion tërheqës.

Aktualisht, portieri francez është i fokusuar te turneu ndërkombëtar, ku ai dhe Franca po garojnë për sukses. Në ndeshjen e parë, Franca fitoi 3-1 ndaj Senegalit, me Kylian Mbappé që shkëlqeu me dy gola.

Në sezonin e fundit me Milanin, Maignan ka regjistruar 41 paraqitje dhe 16 ndeshje pa pësuar gol, duke u konsideruar një nga portierët më të qëndrueshëm në Europë.

Top Channel