Andrea Kimi Antonelli është emri që duhet mundur këtë sezon në Formula 1, me talentin italian që ka fituar garën e pestë radhazi, pasi dominoi për më shumë se dy orë Çmimin e Madh të Monakos.
Në pistën e “pasur” të Monte Carlos, 19-vjeçari u nis i pari dhe nuk e lëshoi për asnjë moment kreun.
Maks Verstappen, i cili e nisi i dyti, parti probleme me makinën e tij Red Bull që në start, duke u tërhequr menjëherë pas xhiros së parë.
Vendi i dytë u mor nga Lewis Hamilton, i cili gjithashtu bëri një garë perfektë me Ferrarin.
E njëjta gjë nuk mund të thuhet për shokun e tij të skuadrës, Charles Leclerc, i çili pas një problemi me frenat, u përplas në xhiron e 68-të, duke shkaktuar edhe një flamur të kuq.
Pa pikë, e mbylli edhe George Russell, kjo pas dy penalizimeve nga FIA për thyerje rregullash.
Podiumi u plotësua nga Isack Hadjar, i cili rrezikon ta humbasë nga Oscar Piastri, nëse FIA gjithashtu e gjen përgjegjës për thyerje rregullash.
Antonelli kështu vazhdon arratinë e tij në krye të kampionatit me 156 pikë, 68 më shumë se George Russell.
Top Channel
