Strategji e re për kulturën, synohet shndërrimi i kulturës në infrastrukturë kulturore dhe investim publik deri në 2030
04/06 16:35
Skema e ngjyrave
Madhësia e shkrimit
Është kremtuar në Kishën e Shijonit në Elbasan Dita e Shën Joan Vladimirit, i cilësuar si dëshmori i Paqes dhe i Orthodhoksisë në Shqipëri.
Festa e Shën Joan Vladimirit është dita që bashkon kombet pasi pelegrinazhi mbledh besimtarë nga Serbia, Mali i Zi, Maqedonia, Italia etj.
“Për mua është hera e parë që vij, por nga Mali i Zi vijnë shumë besimtarë çdo vit. Shën Joan Vladimiri për ne ka shumë rëndësi sepse është figurë simbol e historisë sonë. Për ne është ditë e veçantë dhe ndjejmë shumë emocion që jemi këtu sot”, tha një besimtar.
Shërbesat e Shenjta u kryesuan nga Mitropoliti i Elbasanit Hirësi Andonin.
Shën Joan Vladimiri është një nga figurat më të nderuara të Orthodhoksisë në Shqipëri i cili kontribuoi në përhapjen e krishterimit dhe ndërtoi disa kisha, ndër to edhe atë në Shijon të Elbasanit.
Trupi i tij u varros në kishën që ai vetë e ndërtoi, më 22 maj 1015 dhe në 4 qershor sipas kalendarit të vjetër Shën Joan Vladimiri nderohet si dëshmor i paqes, faljes dhe i besës së krishterë, duke u bërë një figurë e dashur për gjithë shqiptarët.
Top Channel
