Vuajtjet e popullsisë në Gaza, Hamasi po përfiton nga rritja e çmimeve

Gjykatësi Christopher Cooper ia bëri të qartë administratës amerikane se brenda 14 ditëve duhet të hiqen të gjitha tabelat dhe referencat që lidhen me “Trump Kennedy Center”.

Ligji që solli krijimin e qendrës në fjalë, insistoi ai, vendosi që ajo të mbante emrin e Presidentit Kennedy dhe këtë vetëm Kongresi mund ta ndryshojë. Cooper gjithashtu bllokoi përkohësisht mbylljen e qendrës për rinovime këtë verë, duke e cilësuar lëvizjen e bordit si të njëanshme dhe të papërshtatshme.

Vendimi i tij erdhi pas padisë së përfaqësueses demokrate Joyce Beatty, anëtare e bordit të qendrës, e cila këmbëngul se përpjekja e administratës për riemërtimin dhe mbylljen e saj nuk ka “bazë ligjore”.

“Kennedy Center i përket popullit amerikan dhe jo Donald Trumpit”, deklaroi ajo.

Gjatë administratës së tij, Trump kishte emëruar veten kryetar të bordit të Kennedy Center, kishte larguar anëtarët ekzistues dhe kishte vendosur emrin e tij në qendër. Kjo çoi në reagime të shumta, përfshirë anulime nga artistë dhe grupe të shquara, si dhe dorëheqje të zyrtarëve kryesorë.

Qendra, e cila financohet nga fondet federale, është një nga institucionet më të rëndësishme artistike në Shtetet e Bashkuara, me një rol të madh kulturor në kryeqytetin amerikan dhe prej kohësh ka gëzuar mbështetje nga të dyja partitë politike.

Megjithatë, nën drejtimin e Trumpit, shkruan The Guardian, ajo është shndërruar në një zgjatim të axhendës kulturore të Shtëpia e Bardhë.

Top Channel