Në arenën e Kampionatit Kombëtar të Mundjes, të rinjtë e Kukësit rikthyen edhe një herë suksesin, duke fituar dy medalje të vendeve të para. Por pas rezultateve pozitive, fshihet një tjetër realitet… mungesa e mbështetjes financiare.
Ky ekip vijon të mbijetojë vetëm falë kontributeve personale dhe sakrificave të familjarëve, ndërsa institucionet vendore mungojnë prej vitesh.
Mes sportistëve që po ngre emrin e Kukësit në arenën kombëtare është edhe Ormir Kastrati. Tetë herë kampion, me tetë medalje të arta, por i shpërblyer vetëm një herë.
Shqetësimin e ngre edhe trajneri Ali Cenaj, i cili thotë se prej gjashtë vitesh ekipi nuk ka marrë asnjë mbështetje financiare.
Mungesa e financimeve dhe kushteve bazë po largon gjithnjë e më shumë të rinj nga sporti i mundjes në Kukës, një disiplinë që prej vitesh ka nxjerrë kampionë për vendin.
Top Channel
