“Lufta e Ukrainës mbyllet shpejt”, ekspertët: Bota e ka mendjen te Irani, furnizimet me armë për Kievin drejt fundit
18/05 13:19
Procesi i negociatave për paqe mes Rusisë dhe Ukrainës është aktualisht “në pauzë”, por Moska pret që ai të rifillojë së shpejti, sipas deklaratave të Kremlinit.
Zyrtarët rusë thanë se, pavarësisht ngecjes së procesit diplomatik, ata presin një rikthim të bisedimeve në një fazë të mëvonshme, duke mos dhënë afate konkrete.
Në të njëjtën kohë, Kremlini ka reaguar edhe ndaj deklaratave të presidentit ukrainas Volodymyr Zelenskyt, i cili javën e kaluar paralajmëroi se Rusia mund të zgjerojë konfliktin, përfshirë hapjen e një fronti të ri ose përfshirjen e vendeve të NATO.
Sipas Moskës, këto deklarata janë “përpjekje për të përshkallëzuar situatën” dhe nuk kërkojnë përgjigje zyrtare.
Pavarësisht deklaratave për një pauzë në procesin e paqes, lufta në Ukrainë vijon, ndërsa përpjekjet diplomatike mbeten të bllokuara mes akuzave të ndërsjella dhe mungesës së një marrëveshjeje konkrete për armëpushim.
Top Channel
