Ministri i Jashtëm gjerman thirrje Iranit: Braktisni programin e raketave balistike 05/05 22:37
Ministri iranian i Jashtëm, Abbas Araghchi, i lëshoi një paralajmërim Shteteve të Bashkuara dhe Emirateve të Bashkuara Arabe, duke theksuar se ngjarjet e fundit në Ngushticën e Hormuzit tregojnë se nuk ka një zgjidhje ushtarake për një krizë politike.
Araghchi shkroi në X se bisedimet po “bëjnë përparim falë përpjekjes bujare të Pakistanit” dhe se “SHBA-ja duhet të jetë e kujdesshme të mos tërhiqet përsëri në moçal nga dashakëqijtë. Po ashtu edhe Emiratet e Bashkuara Arabe!”
Ai hodhi poshtë gjithashtu planin e Uashingtonit, “Projekti Liria”, që synon lëvizjen e anijeve tregtare në ngushticë, duke shkruar: “Projekti Liria është Projekti Bllokimi.” Komentet e Araghchit vijnë pas shkëmbimit të zjarrit mes forcave ushtarake amerikane dhe iraniane në ngushticë, që ngritën pyetje rreth vazhdimësisë së armëpushimit i cili ka zgjatur pothuaj një muaj.
Presidenti amerikan Trump bëri të ditur të dielën një iniciativë për të ndihmuar anijet e bllokuara për shkak të bllokadës iraniane të Ngushticës. Si përgjigje, Irani kërcënoi se do të sulmonte forcat e armatosura të huaja nëse ato do të përpiqeshin të kalonin në Ngushticë.
“Çdo forcë e huaj e armatosur, dhe veçanërisht ushtria agresive amerikane,” do të sulmohet nëse përpiqet të afrohet ose të hyjë në Ngushticë, deklaroi Ali Abdollah nga Komanda Qendrore e Iranit në transmetuesin shtetëror iranian Irib.
Top Channel
