Një aksident i rëndë me pasojë vdekjen e dy fëmijëve është regjistruar pasditen e sotme në Durrës.
Katër fëmijë kanë qenë duke luajtur në trotuar, kur një automjet i drejtuar nga Nikoll Radaçi ka humbur kontrollin dhe ka përplasur tre prej tyre.
Si pasojë e përplasjes, dy të mitur kanë ndërruar jetë në vendngjarje, ndërsa një tjetër ndodhet në spital në gjendje të rëndë për jetën, nën kujdesin e mjekëve. Njëri prej fëmijëve ka shpëtuar pa lëndime.
Gazetarja Vali Qyrfyçi raporton se drejtuesi i mjetit është larguar nga vendi i aksidentit menjëherë pas ngjarjes, duke braktisur automjetin, por është arrestuar më vonë nga policia.
Burime bëjnë me dije se i dyshuari dyshohet të ketë qenë nën efektin e alkoolit në momentin e aksidentit.
Policia po vijon hetimet për zbardhjen e plotë të rrethanave të ngjarjes.
Përditësimet LIVE, data 03/05/2026
Një aksident tragjik është regjistruar në Durrës, ku dy të mitur kanë humbur jetën dhe një tjetër ka mbetur i plagosur rëndë.
Ngjarja bëhet edhe më e rëndë për shkak të rrethanave familjare të njërit prej viktimave. Ai humbi jetën përballë dyqanit të familjarëve të tij, ku jetonte së bashku me motrën dhe të afërm të tjerë, ndërsa prindërit ndodhen në Itali për kurimin e babait nga kanceri. Mësohet gjithashtu se viktima tjetër dhe i plagosuri janë kushërinj.
Durrësi është tronditur sot nga një aksident i rëndë, me pasojë vdekjen e dy fëmijëve dhe plagosjen rëndë të në tjetri, të gjithë 10-vjeç.
Fëmijët kanë qenë duke luajtur në trotuar, pranë shtëpive të tyre në lagjen 15 të qytetit, kur Nikoll Radaçi duke drejtuar mjetin në gjendje të dehur, ka humbur kontrollin dhe i ka marrë para.
Një tragjedi është shënuar sot në lagjen 15 të Durrësit, ku dy fëmijë janë përplasur për vdekje nga një makinë, ndërsa një tjetër i mitur ndodhet në gjendje të rëndë për jetën.
Dëshmitarët i kanë treguar korrespondentes së Top Channel Vali Qyrfyçi momentet e tmerrit në vendngjarje.
Nikoll Radaçi është 57-vjeçari i cili shkaktoi aksidentin e rëndë sot në Durrës, duke përplasur për vdekje dy 10 vjeçarë, ndërsa një tjetër mbeti i plagosur rëndë.
Korrespondentja e Top Channel Vali Qyrfyçi raporton se shoferi i Benz-it ka rezultuar në gjendje të dehur. Ai ka qenë me shpejtësi kur mjeti i ka devijuar dhe ka kaluar në trotuar ku luanin tre fëmijët.
Policia e Durrësit ka dhënë detaje nga aksidenti tragjik në Durrës, ku dy 10-vjeçarë humbën jetën, ndërsa një tjetër u plagos rëndë.
Një tragjedi është shënuar sot në lagjen 15 të Durrësit, ku dy fëmijë janë përplasur për vdekje nga një makinë, ndërsa një tjetër i mitur ndodhet në gjendje të rëndë për jetën.
Fëmijët, shokë të së njëjtës lagje, kanë qenë në trotuarë duke luajtur, ndërsa në automjet tip Benz ML që lëvizte, ka humbur kontrollin dhe ka përplasur të miturit.
15:04 Thellohet bilanci i viktimave në Durrës, dy fëmijë të vdekur, një tjetër në gjendje të rëndë
Ka shkuar në dy numri i fëmijëve që janë aksidentuar për vdekje sot në Durrës, ndërsa një tjetër i mitur ndodhet në gjendje të rëndë.
Një automjet tip Benz ML që lëvizte me shpejtësi ka aksidentuar tre fëmijë që po luanin në lagjen 15 të qytetit të Durrësit.
Një aksident tragjik është shënuar sot në Durrës, me pasojë vdekjen dy fëmijëve.
Korrespondentja e Top Channel Vali Qyrfyçi bën me dije se fëmijët janë aksidentuar nga një makinë, ndërsa ndodheshin duke luajtur në trotuar.
Top Channel
